တရားမဝင်ထီထိုးရင် ငွေစာရင်းအပိတ်ခံရတဲ့အထိဖြစ်လာနိုင်တယ်လို့ အောင်ဘာလေထီဘက်ကပြောလာ

တရားမဝင်ထီထိုးရင် ငွေစာရင်းအပိတ်ခံရတဲ့အထိဖြစ်လာနိုင်တယ်လို့ အောင်ဘာလေထီဘက်ကပြောလာ

ပြည်တွင်းမှာ တရားမဝင်ထီကိုထိုးမယ်ဆိုရင် ထိုးသူရဲ့ငွေစာရင်းတွေပိတ်ပင်ခံရတဲ့အထိဖြစ်လာနိုင်တယ်ဆိုပြီး

စစ်ကောင်စီလက်အောက်ကအောင်ဘာလေသိန်းထီဆုဌာနရဲ့စီမံညွှန်ကြားရေးမှူးကပြောလာပါတယ်။

လတ်တလောမှာ စစ်ကောင်စီက တရားမဝင်ဘူးလို့သတ်မှတ်ထားတဲ့အဖွဲ့အစည်းတွေက ထီရောင်းချဖို့ပြင်ဆင်နေတယ်ဆိုပြီး

နိုင်ငံပိုင်မီဒီယာကမေးတဲ့မေးခွန်းကို သူကပြန်လည်ဖြေကြားချိန်အခုလိုပြောဆိုလိုက်တာဖြစ်ပါတယ်။

ဘယ်အဖွဲ့အစည်းရယ်လို့တိတိကျကျပြောဆိုတာမရှိပေမဲ့ အမျိုးသားညီညွတ်ရေးအစိုးရ(NUG)က ထီအမျိုးအစားတစ်ခုကို

ဖွင့်လှစ်ရောင်းချမယ်လို့ပြောနေချိန်မှာ သူရဲ့ပြောဆိုမှုထွက်ပေါ်လာတာဖြစ်ပါတယ်။

“E-Lottery(အွန်လိုင်းကနေထိုးနိုင်တဲ့ထီ)စနစ်မှာငွေပေးချေမှုကအဓိကအချက်တစ်ခုဖြစ်ပါတယ်။

မြန်မာနိုင်ငံမှာKBZ ငွေပေးချေမှုစနစ် ၊Wave Money (ငွေလွှဲ၊ငွေလက်ခံဝန်ဆောင်မှု)တို့အပါအဝင်

Mobile Payment(ဖုန်းကနေငွေပေးချေနိုင်မှု) တွေ၊ Online Payment(အွန်လိုင်းကနေငွေပေးချေမှု) တွေ၊

Bank Transfer (ဘဏ်ကိုသုံးပြီးငွေကြေးလွှဲပြောင်းမှု)အားလုံးက ဗဟိုဘဏ်ရဲ့ထိန်းချုပ်မှုနဲ့ဆောင်ရွက်ရတာဖြစ်ပါတယ်။

ဗဟိုဘဏ်အနေနဲ့လည်း ဒီလိုတရားမ၀င်ထီနဲ့ ပတ်သက်တဲ့ငွေပေးချေတာတွေ၊ ငွေလွှဲပြောင်းမှုတွေကိုပြင်းပြင်းထန်ထန်

အရေးယူဆောင်ရွက်မှုတွေရှိနိုင်ပါတယ်။ ဥပမာ- တရားမဝင်ထီအတွက်ငွေပေးချေမှုနဲ့ဆက်စပ်တဲ့ဘဏ်စာရင်းတွေကိုပိတ်သိမ်းတာ၊

ဘဏ်စာရင်းထဲကငွေတွေကိုထိန်းချုပ်တာ စတာတွေကိုကျယ်ကျယ်ပြန့်ပြန့်ဆောင်ရွက်နိုင်ခြေရှိပါတယ်”လို့

အောင်ဘာလေထီစီမံခန့်ခွဲရေးညွှန်ကြားရေးမှူးဦးညီညီလှိုင်ကပြောပါတယ်။

အောင်ဘာလေထီမှာ ထီလက်မှတ်ရောင်းချငွေစုစုပေါင်းထဲက ၆၀ရာခိုင်နှုန်းကို ဆုကြေးထုတ်ပေးပြီး ၄၀ရာခိုင်နှုန်းကို

နိုင်ငံ့အခွန်အဖြစ်သတ်မှတ်ပါတယ်။

ဖေဖော်ဝါရီလ ၁ ရက်မှာ စစ်တပ်ကအာဏာသိမ်းပြီးတဲ့နောက် ထီရောင်းရတဲ့ငွေတွေကနေ စစ်ကောင်စီလက်အောက်ဆီ

အခွန်ငွေတွေမစီးဆင်းအောင်ဆိုပြီး အောင်ဘာလေထီကို မထိုးကြဖို့ လူထုကြားထဲလှုံ့ဆော်မှုတွေဖြစ်ခဲ့ပါတယ်။

ဒါ့ကြောင့် စစ်ကောင်စီလက်အောက်က အောင်ဘာလေထီဟာ လက်မှတ်တွေကျန်လို့ ထီဖွင့်ရက်ကို နောက်ဆုတ်ခဲ့ရတာရှိခဲ့ပါတယ်။

ပုံစာ- စစ်ကောင်စီလက်ထက် အောင်ဘာလေထီ အမြင့်ဆုံးဆု ကျပ်သိန်း ၅,၀၀၀ သာ ချီးမြှင့်နိုင်တာ ၃ လဆက်တိုက်ရှိပြီ

ဓာတ်ပုံ – ရွှေအင်းသားခင်မောင်ဝင်း