ရဟန်းဖြစ်ရင် ရဟန်းလို ကျင့်ကြံရမယ် တော်လှန်ရေးစစ်သားဖြစ်ရင်တော့ တော်လှန်ရေးလိုပဲ ကျင့်မယ်

ငယ်စဉ်ကတတည်းကဘာသာရေးစာပေများကို လိုက်စားခဲ့သူ…တက္ကသိုလ်ဝင်တန်းအောင်မြင်ပြီးနောက် လောကီပညာရေးကို အဆုံးသတ်ကာ
လောကုတ္တရာအတွက် ၂၀၀၈ ခုနှစ်တွင်သင်္ကန်းစီးခဲ့သူ…ဗုဒ္ဓတက္ကသိုလ်တွင်နောက်ဆုံးနှစ်တက်ရောက်ခဲ့သူ…ရဟန်းဘွဲ့အမည် အရှင်ပညာသီရိ ၊
လူအမည် ကိုမောင်မောင်သော်…
************
မေလလယ်ပိုင်းတွင်၁၁ ဝါ ရနေပြီဖြစ်သော ရဟန်းဘဝကို စွန့်လွှတ်ရန် အရှင်ပညာသီရီ ဆုံးဖြတ်ခဲ့သည်။အာဏာသိမ်းမှုကိုဆန့်ကျင်သောမန္တလေးမြို့မှ သံဃာ့သပိတ်စစ်ကြောင်းတွင်အရှင်ပညာသီရိ နေ့စဉ်ရက်ဆက် ပါဝင်ဆန္ဒပြခဲ့သည်။ မေလ ၁၆ ရက်နေ့အထိဖြစ်သည်။အာဏာသိမ်းစစ်ကောင်စီ၏ ရက်စက်ကြမ်းကြုတ်မှုများအပေါ် မခံမရပ်နိုင်ဖြစ်လာသည့်အဆုံး လက်နက်ကိုင်တော်လှန်ရေးလုပ်ရန် ရင်းနှီးသည့် ရဟန်းဖော်တစ်ဦးနှင့် တိုင်ပင်ဖြစ်ခဲ့သည်။ မိဘနှစ်ပါးလုံး မရှိတော့သည့်အပြင် မွေးချင်းမောင်နှမများနှင့်လည်း ဝေးကွာနေသူ စာသင်သားရဟန်းတစ်ပါးဖြစ်ရာ အခြားတိုင်ပင်စရာ လူမရှိပေ

။နောက်ပိုင်းတွင် ပြည်နယ်တစ်ခုရှိ တိုင်းရင်းသားလက်နက်ကိုင်အဖွဲ့အစည်းတစ်ခုထံ သွားရောက်ရန် အဆက်အသွယ်ရသည်။ PDF ထဲဝင်လိုသူ လူငယ်တချို့နှင့်အတူ လက်နက်ကိုင်တော်လှန်ရေး စတင်ရန် အရှင်ပညာသီရိ မန္တလေးမြို့မှ ထွက်ခဲ့သည်။ ရဟန်းဝတ်ဖြင့် သူတစ်ဦးတည်းသာဖြစ်သည်။ တိုင်းရင်းသားလက်နက်ကိုင်အဖွဲ့အစည်းရှိရာ လွတ်မြောက်နယ်မြေရောက်ရှိရန် သုံးညအိပ် လေးရက်ခရီး ကားဖြင့် အဆင့်ဆင့်သွားခဲ့ရသည်ဟု ဆိုသည်။ သင်္ကန်းဝတ်ဖြင့်ပင် ခရီးသွားခဲ့ခြင်းဖြစ်ကာ လွတ်မြောက်နယ်မြေမရောက်မီမြို့တစ်မြို့တွင် လူဝတ်လဲခဲ့သည်ဟု ကိုမောင်မောင်သော်က ပြောသည်။

သာမဏေငယ်များပါမချန် ရဟန်းသံဃာများအပေါ် စစ်သားများ၏ ရိုင်းစိုင်းကြမ်းကြုတ်မှုကို လက်တွေ့ ကြုံခဲ့ရပြီးနောက် ခံပြင်းစိတ်ဖြင့် လက်နက်ကိုင်တော်လှန်ရေးလုပ်ရန် ဆုံးဖြတ်ဖြစ်ခဲ့သည်ဟု အရှင်ပညာသီရိတစ်ဖြစ်လဲ ကိုမောင်မောင်သော်က ဆိုသည်။ “ကိုရင်လေးတွေ ဖယောင်းတိုင်လေးတွေနဲ့ ဒီတိုင်းပဲ ငြိမ်းချမ်းအောင်လို့ ဆုတောင်းပြီး မေတ္တာသုတ်လေး ရွတ်တာ။ ဒါမျိုးတွေကို ရိုင်းရိုင်းစိုင်းစိုင်းနဲ့ ဖယောင်းတိုင်တွေကို တက်နင်းချေဖျက်။ အဲဒီလိုမျိုးတွေ လုပ်သွားတာ။ ကျောင်းတိုက်ထဲကို သေနတ်ပြောင်းကြီးတွေချိန်ပြီး ဟေ့ကောင်တွေဆိုပြီး ဝင်လာတာမျိုးတွေ။ တော်တော်လေးကို ခံပြင်းသွားတာ” ဟု ၎င်းက ပြောသည်။

စစ်အာဏာရှင်အောက်တွင် ဖောက်ပြန်နေသော စစ်သားများနှင့် ရဲများကို မြင်တွေ့ရင်းကအရှင်ပညာသီရိ သီတင်းသုံးရာ တောင်မြို့ခေါ်အမရပူရရှိ တောင်သမန်အင်းအနီးမှနာမည်ကျော်စာသင်တိုက်ကြီးကို ကျောခိုင်းရန် ဖြစ်လာသည်။ (ထိုနာမည်ကျော် စာသင်တိုက်ကြီးမှ အရှင်ပညာသီရိ ပထမကြီးတန်း အောင်မြင်ခဲ့သည်။) ငြိမ်းချမ်းအေးမြသော အရှင်ပညာသီရိ၏ ရဟန်းဘဝကို စစ်အာဏာရှင်က ဖျက်ဆီးခဲ့သည်။

ကမ္မဝါကို လောင်ချာဖြင့် လဲကိုင်ခဲ့ရသည်။ရဟန်းဘဝတွင် ဦးဦးဖျားဖျား လှူဒါန်းသည့် ဆွမ်းကွမ်းကို ဘုဉ်းပေးကာ သက်သောင့်သက်သာ နေနိုင်ခဲ့သော်လည်း လူဝတ်ကြောင်ဘဝဖြင့် လက်နက်ကိုင်တော်လှန်ရေးသမားဘဝတွင် အနေအစားက ဆင်းရဲချင်တိုင်း ဆင်းရဲတော့သည်။“ရဟန်းဖြစ်ရင် ရဟန်းလို ကျင့်ကြံရမယ်။ တော်လှန်ရေးစစ်သားဖြစ်ရင်တော့ တော်လှန်ရေးလိုပဲ ကျင့်ရမယ်ဆိုပြီးတော့ ခံယူထားတာပေါ့။ အခုဆိုရင်တော့ ကိုယ့်ရိက္ခာ၊ ကိုယ့်လက်နက်အပြည့်အစုံနဲ့ တောတောင်ကို အများကြီး ခရီးသွားလာနေနိုင်ပြီ။ အများကြီး နေသားကျနေပြီ” ဟု ဆိုလာသော ကိုမောင်မောင်သော်၏ အသံတွင် သာသနာ့အနွယ်ဝင် ရဟန်းတစ်ပါး၏ လေယူလေသိမ်း ရောစွက်လျက်ရှိသည်။

သေနတ်ကိုင် တော်လှန်ရေးတပ်သားတစ်ဦးအဖြစ် လွယ်လွယ်ကူကူ ဖြစ်လာသည်တော့ မဟုတ်ပေ။ ကြမ်းတမ်းလှသော သုံးလတာ စစ်သင်တန်းကို အပတ်တကုတ် တက်ခဲ့ရသည်။ ပဋိယတ္တိစာပေနှင့်သာ နပန်းလုံးခဲ့ရသော အရှင်ပညာသီရိအတွက် ပို၍ခက်ခဲ ကြမ်းတမ်းခဲ့မည်မှာ အမှန်ပင်။စစ်သင်တန်းပေးသည့်နေရာ ရောက်ပြီးနောက်တစ်ရက်မှာပင် နံနက် ၄ နာရီထကာ ပြေးခြင်း၊ ဒိုက်ထိုးခြင်း၊ တန်းဆွဲခြင်း စသော ကိုယ်ကာယလေ့ကျင့်ခန်းများ အပြင်းအထန် ပြုလုပ်ရသည်။ အချိန်အားဖြင့် ပုံမှန် ၄၅ မိနစ်ကြာဖြစ်သည်။ ကာယလေ့ကျင့်ခန်းအပြီး နံနက် ၈ နာရီခန့်သည် နံနက်စာစားချိန်ဖြစ်သည်။

ထို့နောက်တွင် စစ်ရေးပြလေ့ကျင့်ခြင်း အပါအဝင် စစ်လက်နက်တပ်ဆင်ခြင်း၊ အပစ်အခတ်လေ့ကျင့်ခြင်း များကို ဆက်တိုက်လေ့ကျင့်ရသည်။ နေ့ခင်းပိုင်းတွင် တစ်နာရီခန့် နားခွင့်ရရှိသည်။ ညနေပိုင်းတွင် စစ်ရေးဗျူဟာအတွက် လိုအပ်သော စစ်ရေးအခေါ်အဝေါ်များ၊ အခြားဗဟုသုတဖြစ်ဖွယ် သင်ခန်းစာများ သင်ယူရသည်။ တစ်နေ့တာ သင်တန်းပြီးဆုံးချိန်မှာည ၉ နာရီဖြစ်သည်။“အကြမ်းမဖက်တဲ့ ငြိမ်းချမ်းရေးဓမ္မလမ်းစဉ်နဲ့ ကျွန်တော်တို့တွေ နှစ်ပေါင်းများစွာ တောင်းဆိုခဲ့တာ။ ကျွန်တော်တို့ အဖေတွေအမေတွေ လက်ထက်လည်း တောင်းဆိုခဲ့တာပဲ။

ဒါပေမဲ့ဒီအာဏာရှင်လူတန်းစားက အမြစ်မပြတ်ဘဲနဲ့ တစ်ခါထပ်ထွက်လာခဲ့တာဆိုတော့ ဒီနိုင်ငံမှာ ဒီလိုအဖြစ်မျိုးတွေ ထပ်မတွေ့ချင်တော့ဘူး” ဟုလည်း ကိုမောင်မောင်သော်က ပြတ်ပြတ်သားသား ဆိုသည်။စစ်အာဏာသိမ်းပြီးနောက် လက်နက်ကိုင်တော်လှန်ရေးသမား ကိုမောင်မောင်သော်ဖြစ်လာသူ အရှင်ပညာသီရိ သီတင်းသုံးနေထိုင်ခဲ့ရာ မန္တလေးမြို့တွင် သံဃာတော်အချို့ ဖမ်းဆီးခံထားရသည်။ မြန်မာနိုင်ငံတွင် ပဋိယတ္တိစာသင်တိုက် အများဆုံးတည်ရှိရာ မန္တလေးမြို့တွင် သံဃာတော်များဦးဆောင်သော စစ်အာဏာရှင်ဆန့်ကျင်ရေး ဆန္ဒပြပွဲများလည်း နေ့စဉ်ဖြစ်ပေါ်နေဆဲဖြစ်သည်။အရှင်ပညာသီရိနည်းတူ ရဟန်းဘဝကို စွန့်လွှတ်ပြီး လက်နက်ကိုင်အဖွဲ့အစည်းများရှိရာ တောထဲရောက်ရှိနေသည့် သံဃာတော်မည်ရွေ့မည်မျှ ရှိသည်ကိုမူ မသိရသေးပေ။ crd-Myanmar Now

Add a Comment

Your email address will not be published. Required fields are marked *