CDMလုပ်တဲ့ရဲကို မမိတော့ သူ့မိဘရယ် မိန်းမနဲ့ကလေးရယ် ဖမ်းထားတယ်

“ယင်းမာပင်မြို့နယ် ရဲစခန်းမှာ CDM လုပ်သွားတဲ့ ရဲတစ်ဦး၏ မိဘအပါအဝင် မိန်းမနှင့်သားသမီးတို့ကို

စစ်ကောင်စီက ဓားစာခံအဖြစ် ဖမ်းဆီးထား”

 

စစ်ကိုင်းတိုင်းဒေသကြီး ယင်းမာပင်မြို့နယ်ရဲစခန်းမှာ CDM ပြုလုပ်သွားတဲ့ ရဲတစ်ဦး၏ မိဘအပါအဝင်

မိန်းမနှင့်သားသမီးတို့ကို အကြမ်းဖက်စစ်ကောင်စီက ဓားစာခံအဖြစ် မနေ့က

ဖမ်းဆီးထိန်းသိမ်းလိုက်တာပါ။

 

အဲဒီCDM ပြုလုပ်သွားတဲ့ ရဲဝန်ထမ်းဟာ စခန်းကနေ ကျည်ဆန်တစ်ရာကျော်၊

အကြမ်းဖက်စစ်ကောင်စီတွေ ဖမ်းဆီးထားတဲ့၊ လက်နက်ရော ကျည် ဆန်တွေရော ငွေသားတွေရော

ရွှေတွေရော အမှုတွဲစာရွက်စာတမ်းတွေရော ယူပြီး CDM ပြုလုပ်သွားခဲ့တာဖြစ်ပါတယ်။

 

“ကျနော်တို့ကြားတာကတော့ မနေ့ကပဲ သူက CDM ပြုလုပ်သွားတယ်တဲ့။

 

သူနဲ့အတူ လက်နက်ရော ကျည် ဆန်တွေရော ငွေသားတွေရော ရွှေတွေရော အမှုတွဲစာရွက်စာ

တမ်းတွေရောတစ်ပါးတည်းယူဆောင်သွားတယ်။

 

အခု စခန်းက တာဝန်ရှိတဲ့သူတွေ ပြာယာခတ်နေကြပြီ။CDMလုပ်တဲ့ရဲကို မမိတော့ သူ့မိဘရယ်

မိန်းမနဲ့ကလေးရယ်ကိုတော့ စစ်ကောင်စီက ဓားစာခံအဖြစ် ဖမ်းဆီးထားတယ်တဲ့။

 

ညနေကပဲ သူ့မိဘနှစ်ပါးနေတဲ့ ရွာကို လာပြီး ဖမ်းသွားတယ်”လို့ ယင်းမာပင်မြို့နယ်

ဒေသခံတစ်ဉီးက ပြောပါတယ်။

 

CDMပြုလုပ်သွားတဲ့ ရဲဟာ ယင်းမာပင်မြို့ ရဲစခန်းက လ/၁၉၇၂၁၈ ရဲတပ်ကြပ်ကြီး

ဇော်မင်းဝင်းဆိုသူဖြစ်တယ်လို့လည်း ဒေသခံတွေက ပြောပါတယ်။

 

အကြမ်းဖက်စစ်ကောင်စီက သူ့ကိုအမြန်ဆုံးဖမ်းဆီးရမိရေးအတွက် နယ်မြေအချို့ကို

မြေလှန်ပြီးစုံစမ်းထောက် လှမ်းနေတာဖြစ်ပါတယ်။

 

Photo–ပြည်သူနဲ့အတူ ပူးပေါင်းပြီး CDM ပြုလုပ်သွားတဲ့ ရဲဝန်ထမ်းကို တွေ့ရစဉ်

Source – မျက်မှောက်ခေတ်

 

 

Add a Comment

Your email address will not be published. Required fields are marked *