NCA စာချုပ် ပျက်ပြီဟု KNU Concerned Group ကြေညာ

မြန်မာနိုင်ငံတွင် စစ်တပ်က အာဏာသိမ်းလိုက်သဖြင့် တိုင်းရင်းသားလက်နက်ကိုင်တော်လှန်ရေးအဖွဲ့များနှင့် အစိုးရ ကြား ချုပ်ဆိုခဲ့သော တနိုင်ငံလုံးပစ်ခတ်တိုက်ခိုက်မှု ရပ်စဲ‌ရေး သဘောတူစာချုပ် (NCA) သည် ပျက်ပြယ်သွားပြီဟု မှတ်ယူနိုင် ကြောင်း KNU Concerned Group က စက်တင်ဘာ ၂ ရက်တွင် ထုတ်ပြန်ကြေညာလိုက်သည်။

၂၀၁၇ ခုနှစ်တွင် ဖွဲ့စည်းခဲ့သည့် KNU Concerned Group သည် ကရင်အမျိုးသားအစည်းအရုံး (KNU) နှင့် ဆက်စပ်သည့် နိုင်ငံရေး လူ့အခွင့် အရေး အခြအနေများကို ထောက်ပြနေသည့် အဖွဲ့ဖြစ်ပြီး KNU ခေါင်းဆောင်ပိုင်းတွင် ပါဝင်ခဲ့သူများနှင့် ဖွဲ့စည်းထားသည်။

KNU Concerned Group ပြောခွင့်ရ ပဒိုနော်စီဖိုးရာစိန်က “NCA အပေါ်မှာ ပြန်သုံးသပ်ရမယ်ဆိုရင် စစ်တပ်က မတရား အာဏာသိမ်းပြီးတော့ နောက်ပိုင်းမှာပြန်ကြည့်ရင် ဆန္ဒပြတဲ့ ပြည်သူလူထုတွေ၊ နိုင်ငံရေးသမားတွေ၊ သတင်းသမားတွေ အားလုံးကို မတရားဖမ်းဆီးမှုတွေ ဖြစ်တယ်။ မတရားသတ်ဖြတ်မှုတွေ ဖြစ်တဲ့အပေါ်မှာ NCA လမ်းကြောင်းကတော့ ပျက်ပြယ်ပြီလို့ ကျမတို့ မှတ်ယူလို့ရပါတယ်” ဟု ဧရာဝတီကို ပြောသည်။

ထို့ပြင် NCA စာချုပ်သည် တိုင်းရင်းသားလက်နက်ကိုင်တော်လှန်ရေး အဖွဲ့အစည်းများ လက်နက်ကိုင်တော်လှန်ရေး လမ်းစဉ်စွန့်လွှတ်ပြီး ပါတီထောင်၍ လွှတ်တော်တွင်း နိုင်ငံရေးဆွေးနွေးရန် စစ်တပ်အလိုကျ ၂၀၀၈ အခြေခံ ဥပဒေ ဘောင်အောက် သွတ်သွင်းသည့် စာချုပ်သာဖြစ်ကြောင်း ၎င်းက မှတ်ချက်ပေးသည်။

ထို့ကြောင့် KNU Concerned Group သည် တိုင်းရင်းသားတန်းတူရေး၊ ကိုယ်ပိုင်ပြဋ္ဌာန်းခွင့်ရှိသည့် ပြည်နယ်ပေါင်းစုံ ပြည်ထောင်စု တည်ဆောက်ရေး စသည့် မိမိတို့အဖွဲ့၏ ရည်မှန်းချက်များနှင့် တူညီသည့် ပြည်ထောင်စုလွှတ်တော် ကိုယ် စားပြုကော်မတီ (CRPH)၊ ကြားကာလ အမျိုးသားညီညွတ်ရေးအစိုးရ (NUG) တို့ကို အုပ်ချုပ်ရေး၊ စစ်ရေးနှင့် သံခင်းတမန် ခင်းကိစ္စများတွင် ပံ့ပိုးဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

တိုင်းရင်းသားလက်နက်ကိုင်အဖွဲ့များနှင့် ပြည်သူ့ကာကွယ်ရေးအဖွဲ့များ ပူးပေါင်း၍ စစ်အာဏာရှင်စနစ် ချုပ်ငြိမ်းစေရေး၊ ဖက်ဒရယ်ဒီမိုကရေစီ ပြည်ထောင်စုတည်ဆောက်နိုင်ရေးတို့အတွက် တညီတညွတ်တည်း ပူး‌ပေါင်းတိုက်ပွဲဝင်ကြရန်လည်း KNU Concerned Group က တိုက်တွန်းထားသည်။

ကရင်အမျိုးသားအစည်းရုံး (KNU) ဥက္ကဋ္ဌ ဗိုလ်ချုပ်ကြီးစောမူတူးစေးဖိုးနှင့် ကရင်အမျိုးသားလွတ်မြောက်ရေးတပ် (KNLA) စစ်ဦးစီးချုပ် ဗိုလ်ချုပ်ကြီး စောဂျော်နီတို့ကမူ KNU သည် (NCA) နှင့် ပတ်သက်လျှင် မူဘောင်များအတိုင်း တိကျစွာ လိုက် နာကျင့်သုံးမည်ဟု မေလနှင့် ဇွန်လအတွင်းက ကြေညာထားသည်။

တနိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို သမ္မတ ဦးသိန်းစိန်အစိုးရ လက်ထက် ၂၀၁၅၊ အောက်တိုဘာ ၁၅ ရက်တွင် KNU အပါအဝင် အခြားသော တိုင်းရင်းသား လက်နက်ကိုင်အဖွဲ့ စုစုပေါင်း ၈ ဖွဲ့တို့က အတူတကွ လက်မှတ်ရေးထိုးခဲ့သည်။ crd-

Add a Comment

Your email address will not be published. Required fields are marked *