NCA လက်မှတ်ရေးထိုးထားတဲ့ ဗိုလ်မှူးကြီးစောအေဝမ်း နေအိမ်ကို အကြမ်းဖက်စစ်ကောင်စီ တိုက်လေယာဉ် ၄ စီးနဲ့ ဗုံ-းကြဲတို-က်ခို-က်

ညောင်မြစ်တွေ ရှ-င်းနေပြီလား မအလ
___________________________________

ထိုးချင်အုံးဟဲ့ NCA လို့ ပြောရမလား !

စစ်တပ်ကို ယုံစားပြီး NCA ထိုးချင်သူ ထိုးထားသူတွေအတွက် သင်ခန်းစာလို့ ပြောရသလို စစ်တပ်က NCA ထိုးထားသူတွေကို အချင်းချင်းတောင် လုပ်ကြံလာနေကြပြီဟု ဆိုချင်သည်

ဒါ့အပြင် တွေးဆစရာက ထိုင်းစစ်ရေးချုပ်နဲ့ တွေ့အပြီး ည ၁နာရီ ၀န်းကျင်မှာ သွားကျဲ အစဖျောက်တာဆိုတော့ မအလကေ့မှာ ပါဝင်သူလား သို့ အစဖော်သူမို့ အပြတ်ရှင်း-လင်းစေတာလား ဆက်ဆက်တွေးဆစရာပါပဲ

သေချာတာက နိုင်ငံရေးထက် ပိုတဲ့အမှုတွေနဲ့ မအလဟာ ချင်းချင်း‌နှုတ်ပိတ်မည့် အခင်းကျင်းတွေ ဇာတ်ကွက်တွေ ဆက်တိုက် လုပ်လာနိုင်ပါသေးတယ် သတိထားပြီး စောင့်ကြည့်ရမလို သူနဲ့ ပတ်သက် ဆက်နွယ်သူတွေ သတိထားကြပါလို့ပဲ ပြောချင်တယ်

ဆိုလိုတာက ကမ္ဘာကျော်မူး-ယ-စ်ရာဇာကြီး နိုင်ငံရေးအရ မဟုတ်ပဲ သားသမီးရေးအရ ပတ်ကြမ်းတိုက်လာဖွယ်ရှိနေတယ် နိုင်ငံရေး ဗန်းပြပြီး မဟုတ် တမိသားစုလုံး ဿေဒဏ် စာရင်း၀င် ဖြစ်နေပြီ မဟုတ်ပါလား

” DKBA အမှတ် ၂ နည်းဗျူဟာမှူး ဗိုလ်မှူးကြီးစောအေဝမ်း နေအိမ်ကို အကြမ်းဖက်စစ်ကောင်စီ လေကြောင်းမှ ဗုံးကြဲတို-က်ခို-က် ”

ဒါဟာ NCA လက်မှတ်ရေးထိုးထားတဲ့ DKBA နှင့် အကြမ်းဖက် စစ်ကောင်စီ လမ်းခွဲပြီလား မေးရမလိုနဲ့ ခုချိန် အင်အားလိုနေတဲ့ မအလအတွက် မဖြစ်နိုင်သေးဟု ယူဆပြီး လူရွေး လုပ်ကြံ သတိပေးပုံရရင်

အထက်ပါ ခန့်မှန့်ထားသလို နိုင်ငံရေးအရ မဟုတ်ပဲ နောက်ကွယ် ကျိုးတူလုပ်ဆောင်မှု အမှောင်လောက သိုင်းလောကရဲ့ ရှုပ်ထွေး သံစဉ်တွေလားဆိုတာ ၂၁ ခေတ်ဖြစ်လို့ အချိန်တန်ရင် နွားပိန်ကန်ပါလိမ့်မယ် ညာမရဘူး မောင်ကာလုဟုသာ ဆိုချင်လေသည်

#မင်းကြည်ညိုနေ 🕊️

 

DKBA အမှတ် ၂ နည်းဗျူဟာမှူး ဗိုလ်မှူးကြီးစောအေဝမ်း နေအိမ်ကို အကြမ်းဖက်စစ်ကောင်စီ လေကြောင်းမှ ဗုံးကြဲတိုက်ခိုက်
~~~~~~~~~~~~~~~~~~~

NCA လက်မှတ်ရေးထိုးထားတဲ့ DKBA နှင့် အကြမ်းဖက် စစ်ကောင်စီ လမ်းခွဲပြီလား
………………………………………

ဇန်နဝါရီ ၂၁

ကရင်ပြည်နယ်၊ ဘုရားသုံးဆူမြို့၊ပြောင်မထိန်ကျေးရွာအုပ်စု၊ ကြိမ်ချောင်းကျေးရွာရှိ DKBA (ဒေါနအနောက်ခြမ်း)၊ အမှတ် ၂ စစ်ကွပ်ကဲရေးနည်းဗျူဟာမှူး၊ ဗိုလ်မှူးကြီးစောအေဝမ်းရဲ့ နေအိမ်ကို ဒီကနေ့ ဇန်နဝါရီ ၂၁ ရက်နေ့ မနက် ၁ နာရီဝန်းကျင်မှာ အကြမ်းဖက် စစ်ကောင်စီက ဂျက်ဖိုက်တာ တိုက်လေယာဉ် ၄ စီးနဲ့ ဗုံးကြဲတိုက်ခိုက်ခဲ့တယ်လို့ သိရပါတယ်။

တိုက်ခိုက်မှုကြောင့် ဗိုလ်မှူးကြီးစောအေဝမ်းနေအိမ်နဲ့ ဘုရားကျောင်းဆောင်ကို အပါအဝင်၊ အနီးဝန်းကျင်ရှိ အဆောက်အအုံများ၊ အလုပ်သမားတန်းလျားများ ဗုံးထိမှန် ပျက်စီးခဲ့ပါတယ်။

အလုပ်သမားတန်းလျားတစ်ခုနဲ့ DKBA ဗိုလ်မှူးကြီးရဲ့ နေအိမ်ခြံဝန်းအတွင်းက အဆောက်အအုံ ၂ လုံး လုံးဝ ပြိုကျပျက်စီးသွားခဲ့ပါတယ်။

DKBA ဗိုလ်မှူးကြီးစောအေဝမ်းရဲ့ နေအိမ်ကို လေယာဉ်ပေါ်မှ ပွိုင့်ဖိုက်စက်လက်နဲ့ပါ ပစ်ခတ်ထားတာကြောင့် နေအိမ် တစ်ခုလုံး မွစာကြဲ ပျက်စီးနေတာ တွေ့ရပါတယ်။
ပျက်စီးနေတဲ့ ဗိုလ်မှူးကြီးစောအေဝမ်းရဲ့ နေအိမ်အတွင်းမှာ ဗိုလ်မှူးကြီး စောအေဝမ်းနဲ့ အကြမ်းဖက်စစ်ကောင်စီ ဒုဥက္ကဋ္ဌ စိုးဝင်းတို့ ယခင် NCA ငြိမ်းချမ်းရေး ဆွေးနွေးပွဲကာလတုန်းက ရိုက်ကူးထားတဲ့ ဓာတ်ပုံနဲ့ စစ်ကောင်စီ ငြိမ်းချမ်းရေးဥက္ကဋ္ဌ ရာပြည့်တို့နဲ့ ရိုက်ကူးထားတဲ့ ဓာတ်ပုံတွေဟာလည်း ကျည်ဆံထိမှန်ထားပြီး ပျက်စီးနေတာ တွေ့ခဲ့ရပါတယ်။

စစ်တပ်အာဏာမသိမ်းခင် ၂၀၂၀ ပြည့်နှစ် ကိုဗစ်ကာလတုန်းက ကိုဗစ်ကာကွယ်တားဆီးရေးလုပ်ငန်းတွေမှာ ပါဝင်ကူညီဆောင်ရွက်ပေးခဲ့တဲ့ ဗိုလ်မှူးကြီးစောအေဝမ်းဆီကို အရှေ့တောင်တိုင်းစစ်ဌာနချုပ် တိုင်းမှူးရဲ့ လက်မှတ်နဲ့ ပေးပို့ထားတဲ့ ဂုဏ်ပြုလွှာတစ်စောင်ကိုလည်း နေအိမ်ကြမ်းပြင်ပေါ်က အပျက်အစီးတွေကြားမှာ တွေ့မြင်ခဲ့ရပါတယ်။

DKBA အမှတ် ၂ နည်းဗျူဟာမှူး ဗိုလ်မှူးကြီးစောအေဝမ်းဟာ ဘုရားသုံးဆူဒေသမှာ ဘုရားစေတီတွေ၊ ဘုန်းကြီးကျောင်းတွေ၊ ခရစ်ယာန်ဘုရားရှိခိုးကျောင်းတွေအမြောက်အမြား ဆောက်လုပ်လှူဒါန်းခဲ့သူဖြစ်သလို၊ ဘုရားသုံးဆူဒေသတွင်းက ကျေးရွာသူကျေးရွာသားတွေအတွက် စာသင်ကျောင်းတွေ၊ ဆေးပေးခန်းတွေအများအပြား ဆောက်လုပ်လှူဒါန်းပေးထားခဲ့သူတစ်ဦးလည်းဖြစ်ပါတယ်။

“ဗိုလ်မှူးအေဝမ်းက စိတ်ကောင်းနှလုံးကောင်း အင်မတန်ရှိတဲ့သူပဲ။ ကျနော်တို့ ဒေသမှာ သူဆောက်ပေးထားတဲ့ စာသင်ကျောင်းတွေ ဆေးပေးခန်းတွေကြောင့် ဒေသတွင်းမှာ ပညာရေး၊ ကျန်းမာရေးတွေ ဖွံ့ဖြိုးလာတာ။ ဘုရားရှိခိုးကျောင်းတွေ၊ ဘုရားစေတီတွေ၊ ဘုန်းကြီးကျောင်းတွေလည်း သူဆောက်ပေးထားတာ မနည်းဘူး။ ဒေသခံတွေက သူ့ကို အတော်လေး အားကိုးယုံကြည်ကြတယ်” လို့ ဘုရားသုံးဆူမြို့၊ ကြိမ်ချောင်းရွာက ဒေသခံတစ်ဦးက ပြောပြပါတယ်။

လေကြောင်းတိုက်ခိုက်မှုကနေ ဗိုလ်မှူးကြီးစောအေဝမ်းနဲ့ မိသားစုတွေ လက်မတင်လေးလွတ်မြောက်ခဲ့တယ်လို့လည်း သိရပါတယ်။

ဒီမိုကရေစီအကျိုးပြုကရင့်တပ်မတော် (DKBA) ဟာ NCA ငြိမ်းချမ်းရေးစာချုပ်မှာ လက်မှတ်ရေးထိုးထားခဲ့ပြီးအကြမ်းဖက်စစ်ကောင်စီက အာဏာသိမ်းပြီးနောက်ပိုင်းမှာလည်း ငြိမ်းချမ်းရေးနဲ့ ပတ်သက်ပြီး တွေ့ဆုံဆွေးနွေးမှု တွေရှိနေခဲ့တာ ဖြစ်ပါတယ်။ ဒီလိုအခြေအနေတွေ ရှိပါလျက်နဲ့ အခုလို လေကြောင်းကနေ အလစ်အငိုက် ဗုံးကြဲတိုက်ခိုက်မှုတွေ လုပ်ဆောင်လာတာဟာ အကြမ်းဖက်စစ်ကောင်စီအနေနဲ့ ဒီမိုကရေစီအကျိုးပြုကရင့်တပ်မတော် DKBA နဲ့ ငြိမ်းချမ်းရေးတည်ဆောက်မှုကို တစ်ဖက်သတ်ချိုးဖောက်လိုက်တာလို့ ဆိုရမှာ ဖြစ်ပါတယ်။

နောင်ဘို

#ငွေမောင်းသံ မီဒီယာ

Add a Comment

Your email address will not be published. Required fields are marked *